Neil Camenzuli
SANTA LUCIA ………………………..1
SIRENS …………………………………..1
Santa Lucia: C.Da Paz, M.Ellul, D.Letherby (N.Virano 82′), S.Pisani, L.Sena (F.Moracci 45’), A.Bradhsaw (J.Valletta) J.Pisani, A.Mrdja, A.Piazza (N.Ojo 64’), S.Xerri, E.Pinto
Sirens: A.Cassar, D.Murillo (B.Asare 65’), P.Boakye, N.Pulis, A.Pannayioutu, G.Martins, K.Ntampizas, K.Donsu, D.Jackson, D.Agius
Imwissija: G.Martins 55’, D.Agius 88′, H.Akadom 90′ (Sirens), A.Piazza 64′ , A.Mrdja 89′ (Sta.Lucia)
Skorjaw: S. Pisani 68′ (Sta. Lucia), A.Panayioutu 75′ (Sirens)
Referee: Malcom Spiteri
Assistenti Referees: Paul Apapa u Fyodor Zammit
BOV Plejer tal-Logħba: Steve Pisani (Santa Lucia)
Il-Mument Plejer tal-logħba: Steve Pisani (Santa Lucia)
F’partita fil-parti t’isfel tal-klassifika, Santa Lucia u Sirens temmew fi draw ta’ gowl kull wieħed, f’riżultat li ma jikkuntenta lil ħadd hekk kif iż-żewġ timijiet baqgħu f’riskju ta’ relegazzjoni.
Santa Lucia ħarġu fuq l-offensiva mill-ewwel hekk kif wara 10 minuti logħob, Steve Pisani jsib ll Jurgen Pisani fil-kaxxa minn korner li bir-ras jipprova jegħleb lil Cassar, bil-goalkeeper isalva tajjeb.
Santa Lucia żammew il-pressjoni, hekk kif 3 minuti wara kien imissu Piazza biex jittanta xortih mix-xellug, bil-konklużjoni tgħaddi barra.
Fl-20 minuta, Piazza jerġgħa joħloq il-periklu mix-xellug, din id-darba b’kross akrobatiku lejn Mrdja, b’dan tal-aħħar jolqot il-lasta ‘l wieqfa tal-lemin bir-ras.
Sirens irrispondew fis-26 minuta meta l-ewwel kien Ntampizas li laqat il-minduda b’konklużjoni minn barra l-kaxxa, bil-ballun jaqa f’saqajn Panayiotu li b’konklużjoni akrobatika ukoll laqat il-minduda, bil-ballun joħroġ barra.
Fis-36 minuta, Evandro Pinto nkariga ruħu minn freekick mix-xellug, bil-Portugiż jitfa’ fir-rokna t’isfel tax-xellug, b’ Cassar jbiegħed il-periklu.
L-ewwel taqsima tintemm bla gowls, b’ Santa Lucia bla dubju jkollhom l-iktar ċansis ta’ gowl, pero Sirens jittantaw xortihom bil-kontrattakk u jkunu perikolużi ukoll.
Fit-68 minuta waslet l-ewwel azzjoni denja ta’ nota mit-tieni taqsima, li rriżultat ukoll fl-ewwel gowl għal Santa Lucia, bl-iskorer ikun Steve Pisani minn freekick mid-distanza minn naħa tax-xellug, bil-konklużjoni tispiċċa fir-rokna ta’ fuq tal-lemin.
Sirens ħasdu lill-avversarji meta għamlu l-iskor indaqs fil-75 minuta permezz ta’ daqqa ta’ ras ta’ Andrea Panayiotou minn kross mil-lemin.
Santa Lucia bl-aħħar ċans tal-partita fid-89 minuta meta Evandro Pinto ttanta xortih minn barra l-kaxxa, b’Cassa jintevrjeni tajjeb u jevita l-konklużjoni baxxa.
Il-gowls kollha waslu fit-tieni taqsima, bl-iskor finali jkun 1-1 u ż-żewġ timijiet jieħdu punt kull wieħed.
