‘Konna tattikament dixxiplinati ħafna’ – Joseph Grech (Mosta FC)

‘Il-logħba ngħalqet mat-tielet gowl’

• Brian Said, assistant kowċ Floriana FC

‘L-importanti f’dawn il-logħbiet huwa li tirbaħ it-tliet punti. Konna konxji li Gudja kienu ser jistennewna u jiddefendu.’ Hekk ikkummenta l-assistant kowċ ta’ Floriana Brian Said wara li t-tim tiegħu għeleb lit-tim tal-qiegħ bi skor konvinċenti ta’ 5-1. Huwa kompla. ‘Mhux faċli li tirreaġixxi wara li taqla l-ewwel gowl f’partita bħal din. Imma konna bravi fejn dawwarna r-riżultat sa’ tmiem l-ewwel taqsima biex il-logħba kienet deċiża bit-tielet gowl li wasal fil-bidu tat-tieni taqsima. Dan kien riżultat importanti għalina l-aktar wara r-riżultat ta’ Ħamrun kontra Valletta’.

‘Konna tattikament dixxiplinati ħafna’

• Joseph Grech, kowċ Mosta FC

‘Rebħa important ħafna għalina aktar u aktar wara li t-timijiet ta’ taħtna fallew.’ L-ewwel kliem li lissen il-kowċ ta’ Mosta Joseph Grech wara li t-tim tiegħu dawwar telfa f’rebħa kontra Marsaxlokk. Grech kompla hekk. ‘Konna nafu li quddiemna kellna tim qawwi li kien fil-bżonn tal-punti għal objettivi differenti. Ġie kollox għat-telgħa hekk kif sofrejna l-ewwel gowl iżda l-plejers kienu tattikament dixxiplinati ħafna biex dawwarna r-riżultat favurina. Fit-tieni taqsima għafsuna ħafna iżda żammejna sodi biex wasalna biex ksibna tliet punti ferm importanti fil-ġlieda tagħna kontra r-relegazzjoni’.

LOGĦOB LI JMISS

Il-Ġimgħa 8 ta’ Marzu, 2024

Centenary Stadium

6.15pm Naxxar L. vs Balzan

Is-Sibt 9 ta’ Marzu, 2024

Stadium Nazzjonali

2.00pm M’Xlokk vs B’Kara 

4.15pm Sirens vs Floriana

Il-Ħadd 10 ta’ Marzu, 2024

Stadium Nazzjonali

2.00pm Gudja Utd. vs Hibernians

4.15pm Valletta vs Gżira Utd.

Tony Bezzina Stadium

2.00pm Mosta vs Ħamrun S.

4.15pm Sliema W. vs Sta Lucia