L-attakkant ta’ Ħamrun Spartans Luke Montebello rebaħ l-unur ta’ Plejer tax-Xahar għal Jannar.
Matul Jannar, l-internazzjonali Malti ta’ 28 sena skurja 4 gowls fir-rebħa kbira ta’ Ħamrun Spartans kontra Balzan, li spiċċat bi skor ta’ 7-1.
Attwalment, Montebello hu l-aqwa skorer tal-Kampjonat Premier b’16-il gowl f’ismu, 5 iktar minn Kemar Reid ta’ Floriana u sieħbu fl-iskwadra Ħamruniża, Uros Djuranovic.
Dan hu t-tieni unur personali għal Montebello, wara li rebaħ il-Plejer tax-Xahar f’Novembru wkoll. Hu għażel lil Puttinu Cares biex tibbenefika minn donazzjoni marbuta ma’ dan l-unur.
