Fi PROFILI tal-lejla se nkunu qed niltaqgħu ma’ Rina Camilleri. Il-profil se tkun qed taqsam magħna mhux ftit il-produzzjonijiet li kienet tagħmel parti u li x’kien l-involviment tagħha matul is-snin fit-teatru Malti.
Se taqsam magħna l-memorji u l-esperjenzi tagħha matul il-ħajja u se tkellimna wkoll fuq uħud mill-aqwa drammi li baqgħu mnaqqxa f’qalb il-poplu Malti u Għawdxi.
Magħha se nkunu qed nitkellmu dwar il-ħidma volontarja tagħha, flimkien mar-raġel. Volontorjat li permezz tiegħu bdew irawmu numru ta’ atturi oħra permezz tal-palk tas-Salesjani f’Tas-Sliema.
PROFILI bi produzzjoni u preżentazzjoni ta’ James Aaron Ellul, b’muntaġġ ta’ Beverly Abela, illejla fit-8.30pm fuq NET TV.
