Suċċess għall-atletii tal-klabb lokali Iron Taekwondo League fil-Lot et Garonne Challenge Cup fi Franza hekk kif b’kollox kisbu ħames midalji tad-deheb, tnejn tal-fidda u tlieta tal-bronż. It-tournament kien it-tieni wieħed din is-sena wara l-Open de Liege fi Frar li għadda.
Gianluca Barbara, atleta ta’ 34 sena, ikkompeta fil-kategorija tal-Masters tat-80 kg u rebaħ it-tielet midalja tad-deheb internazzjonali konsekuttiva.
Apparti minn hekk rebħu l-midalji tad-deheb l-atleti Kieran Vella, Ella Schembri, Dwayne Micallef, u Emma Lautier. L-atleti Luca Falzon u Tyas Mifsud Calleja rebħu midalja tal-fidda, fil-waqt li Eva Mifsud Calleja, Merobika Abdela u Dailen Barbara rebħu midalja tal-bronz.
Firayaad Abdela, Zach Zammit u Oliver Gatt kisbu suċċess bir-rebħa tagħhom waqt l-R18 match. Luca, Tyas, Eva, Merobika, Firayaad, Oliver, Dailen u Zach issa rreġistraw l-ewwel dehra tagħhom barra minn xtutna.
