Kollox beda l-Erbgħa, meta l-Ministru Micheal Falzon stqarr li ma jistax jagħti garanzija li fi żmien 20 sena il-pensjoni se tkun garantita.
Issa l-Ministru Falzon qal li kien ċar fuq dak li stqarr f’nofs din il-ġimgħa, biex b’hekk ikkonferma mill-ġdid li ma hemmx garanzija li l-bolla li l-ħaddiema qed iħalsu se tmur għall-pensjoni fi żmien l-irtirar.
Minkejja li l-pensjoni hija xi ħaġa li kull persuna li taħdem tikkontribwixxi għaliha bil-bolla, il-Gvern qed jgħid lin-nies biex jinvestu fi private pension plan.
Xi ħaġa pożittiva – iżda li bla dubju ma twarrabx il-kontribuzzjonijiet kbar li jsiru mill-ħaddiema għall-pensjoni tal-Gvern.
U meta pressat minn Net News biex iwieġeb kif jista jserraħ moħħ in-nies dwar il-pensjoni, il-Ministru Falzon għażel li jitlaq minn quddiem il-cameras tagħna.
Il-pożizzjoni tal-Gvern dwar il-pensjonijiet ħolqot tħassib kbir. L-aktar fost il-ħaddiema li ma jafux fejn se jmorru l-kontribuzzjonijiet li qed jagħmlu.
Dan minkejja li l-Labour kien wiegħed li din tal-pensjonijiet, hija raġuni oħra wara l-pjan li jinġiebu ħafna barranin f’pajiżna.
