Negozjant li qed jiġġieled l-estradizzjoni tiegħu lejn l-Iżvezja, fejn huwa mfittex biex jaffaċċja akkużi ta’ frodi, evażjoni tat-taxxa u ħasil ta’ flus, inħeles fuq libertà proviżorja wara li qatta’ ġimgħa taħt arrest. Mohan (magħruf ukoll bħala Michael) Bharwani ta’ 57 minn Tas-Sliema, ġie arrestat il-ġimgħa li għaddiet bis-saħħa ta’ Mandat ta’ Arrest Ewropew maħruġ mill-awtoritajiet Żvediżi.
Huwa kien wieħed minn aktar minn 180 persuna fil-mira ta’ investigazzjoni kkoordinata u kumplessa mill-pulizija fl-Albanija, Awstrija, Ċipru, Kroazja, Ċekja, Estonja, Ġermanja, Ungerija, Italja, Malta, Olanda, Polonja, Portugall, Slovakkja, Slovenja, Svezja. u r-Renju Unit fi frodi tal-VAT fuq skala kbira stmati li ffrodaw ammont ta’ madwar €195 miljun.
L-arresti l-organizzaturi suspettati ta’ skema kumplessa ta’ frodi tal-VAT, li ppermettiethom jiffrodaw sa €195 miljun. Bharwani kien inżamm taħt arrest preventiv, wara li rrifjuta li jagħti l-kunsens tiegħu biex jiġi trasferit fil-kustodja tal-awtoritajiet Żvediżi.
L-Avukati Stefano Filletti, Giannella DeMarco u Maurice Meli, li qed jassistu lil Bharwani, sussegwentement ressqu rikors għall-libertà proviżorja li ġiet aċċettata mill-Maġistrat Leonard Caruana il-Ħamis. Huwa ngħata l-ħelsien mill-arrest, bil-kundizzjoni li jattendi s-seduti kollha tal-Qorti, joqgħod lura milli jivvjaġġa jew saħansitra jersaq lejn il-kosta u l-ajruport.
Bharwani huwa meħtieġ ukoll li jiffirma fl-Għassa tal-Pulizija ta’ Tas-Sliema darbtejn, kuljum u josserva curfew. Il-libertà proviżorja kienet stabbilita fuq ammont kumplessiva ta’ €100,000: depożitu ta’ €40,000 u garanzija personali ta’ €60,000, li kienu jeħtieġu wkoll garanziji addizzjonali minn terzi, li huma erba’ membri tal-familja tiegħu, li jammontaw għal €25,000 oħra.
