Neil Camenzuli
SIRENS…………………………….0
FLORIANA ………………………3
Sirens: A.Cassar, P.Boakye, H.Gomda, A.Panayioutu (A.Ceesay 82′), A.Cini, B.Asare (C.Agyemang 66’), D.Murillo, K.Donsu (M.Cameron 90′), D.Jackson (Z.Bartolo 90′), K.Ntampizas, D.Agius (I.Ognjen 90′)
Floriana: G.Kitanov, O.El Hasni K.Reid, M.Nogureira (L.De Garzia 77′), D.Vella (U.Arias 77′), O.Spiteri, N.Garcia, C.Zammit (A.Garzia 63’), M.Valadzko, C.Rovas (K.Nwoko 63’), L.Furtado (M.Veselji 85′)
Imwissija: D.Vella 12’ (F)
Skorjaw: K.Reid 26’, M.Nogureira 56’,Mattia Veselji 90′ (F)
Referee: Emmanuel Grech
Assistenti Referees: Vasil Vasilev u Kurt Saliba
BOV Plejer tal-Logħba: Kemar Reid (Floriana)
Il-Mument Plejer tal-logħba: Matheus Nogureira (Floriana)
Floriana momentarjament fl-ewwel post hekk kif għelbu lil Sirens bi prestazzjoni dominanti kontra Sirens bl-iskor finali jkun 3-0. Il-Greens jinsabu fl-ewwel post b’total ta’ 48 punt wara 20 partita, b’Ħamrun Spartans fit-tieni post b’45 punt u partita inqas.
Floriana ħarġu fuq l-offensiva minnifuh hekk kif mal-ewwel minuta, il-midfielder Dunstan Vella daħal b’ġirja fil-kaxxa u b’saħħa xxuttja fil-baxx, b’ Cassar jitfa’ barra.
Fit-8 minuta kien imiss lil Furtado li jipprova jsib ix-xibka, din id-darba minn kross mix-xellug, bil-plejer Franċiż jipprovva jikkonkludi fil-baxx imma l-konklużjoni ma tkunx tajba biżejjed u tispiċċa f’idejn Cassar.
Sirens irrispondew fit-23 minuta permezz tal-istilla Panayiotou li b’ħeffa qabeż tnejn fil-kaxxa u pprova jegħleb lil Kitanov fil-baxx, bil-Bulgaru jitfa’ barra għall-korner.
Kompla l-istaġun impekkabli tal-eks Sirens Kemar Reid meta fis-26 minuta skorja t-tnax il-gowl staġjonali tiegħu u fetaħ l-iskor tal-partita b’freekick mill-isbaħ mix-xellug jegħleb għal kollox lil Cassar.
L-aħħar azzjoni denja ta’ nota tal-ewwel taqsima kien il-gowl ta’ Reid fis-26 minuta, bil-Greens jitħlu jistrieħ b’vantaġġ minimu.
Floriana rduppjaw l-iskor fis-56 minuta, din id-darba l-gowl jasal mill-Brażiljan Matheus Nogureira li xeħet fix-xibka minn barra l-kaxxa b’xutt b’saħħtu mis-suġġeriment tal-awtur tal-ewwel gowl Reid mil-lemin.
Floriana baqgħu jattakkaw wara li skorjaw, b’ Kemar Reid ikun protagonista għal darb’oħra, b’ġirja individwali mill-isbaħ mil-lemin, bil-plejer jikkonkludi fil-baxx u Cassar isalva, bit-tieni ballun jerġa’ jasal f’saqajn Reid li jerġa’ jixxutja din id-darba bix-xellug u jolqot il-minduda.
Fit-80 minuta Floriana perikolużi minn kontrattakk veloċi, bil-ballun jasal għand is-sostitu Arias li jikkonkludi b’mod ċentrali u Cassar jirnexxielu jevita l-periklu.
Fil-85 waslet it-tieni lasta tal-Greens fil-partita, b’din id-darba ix-xutt ta’ Furtado jaħbat mal-wieqfa minn tentattiv minn barra l-kaxxa.
Minuta wara Floriana ssiġillaw ir-rebħa permezz tas-sostitut Mattia Veselji li mill-viċin għeleb għal kollox lil Cassar u kkonferma t-tlett punti għat-tim tiegħu.
Il-partita ntemmet 3-0 għal Floriana, bil-Greens jokkupaw l-ewwel post momentarjament.
Kemar Reid skorja l-ewwel gowl tal-partita bi freekick mill-isbaħ jegħleb lil Cassar (Ritratt: Josef Fitzpatrick)
