Neil Camenzuli
MARSAXLOKK ………………….0
BIRKIRKARA ……………………..0
Marsaxlokk: M.Drobnajk, W.Soares, K.Micallef, N.Muscat, N.Portelli (S.Boakye 83′), J.Ghio (S.Akinbule 71′), M.De Jesus, A.Leandro, N.Raden, R.Scicluna, F.Gomes
Birkirkara: M.Zapytowski, E.Pepe, P.Mbong (E.Sapong 90′, A.Zammit (N.Agius 71′), K.Zammit, A.Satariano, M.Beltre, N.Micallef (M.Maxuell 60’), S.Zibo, A.Diakite, A. Ciolacu (J.Agius 71’)
Imwissija: J.Ghio 39’, N.Raden 80′ (M), N.Micallef 29’, E.Beltre 85′ (B)
Referee: Slobodan Petrovic
Assistenti Referees: Duncan Spencer u Shaun Calleja
BOV Plejer tal-Logħba: Alexander Satariano (B)
Il-Mument Plejer tal-logħba: Nikolai Muscat (M)
Fl-Istadium Nazzjonali, draw ta’ bla gowls bejn Marsaxlokk u Birkirkara f’partita totalment nieqsa mill-azzjonijiet. Riżultat li ma jiggwadanja ħadd minnhu, hekk kif iż-żewġ timijiet jinsabu b’30 punt wara għoxrin logħba, tmien punti taħt Sliema fit-tielet post li se jilagħbu għada fl-4:15pm kontra Santa Lucia.
L-ewwel azzjoni denja ta’ nota fil-partita waslet wara 10 minuti logħob minn kontrattakk veloċi mix-xellug ta’ Nikolai Muscat, bil-plejer jikkonkludi b’xutt b’saħħtu fir-rokna ta’ fuq, bit-tentattiv ikun salvat tajjeb minn Zapytowski.
5 minuti wara, Marsaxlokk għal darb’oħra perikolużi mix-xellug, b’din id-darba l-eks Ryan Scicluna jittanta xortih, bil-goalkeeprer Zapytowski għal darb’oħra joħroġ rebbieħ f’dan il-konfront.
Fl-34 minuta Fernando Gomes irċieva mill-kross ta’ Messisas u bir-ras ipprova jegħleb lill-goalkeeper, bil-ballun jispiċċa f’idejn Zapytowski.
Birkirkara rrispondew fit-42 minuta permezz ta’ Satariano li ra l-konklużjoni mill-viċin tiegħu salvat minn Drobnjak.
L-ewwel taqsima tintemm 0-0, bl-ebda tim ma jirnexxielu jisb ix-xibka, b’ Marsaxlokk bla dubju jkunu l-iktar tim li joħloq azzjonijiet u jkun viċin li jsib ix-xibka.
It-tieni taqsima nieqsa mill-azzjonijiet, pero l-iktar ċans perikoluż tal-partita wasal fit-72 minuta minn Fernando Gomes li mid-distanza ttanta xortih b’xutt potenti, bil-konklużjoni taħbat mal-minduda u taħbat mal-linja fatali, bir-referee jikkmanda li l-ballun ma jaqbiżx il-linja u titkompla l-partita.
L-aħħar azzjoni tal-partita waslet fl-aħħar sekondi tal-partita, b’ Fernando Gomes jerġgħa jipprova jsib ix-xibka minn barra l-kaxxa, pero x-xutt tal-Brażiljan kien għoli wisq.
