Is-serata tal-Oscars ta’ din is-sena kienet serata bla ebda sorpriżi hekk kif ‘Oppenheimer’ ta’ Christopher Nolan, rebaħ seba’ unuri fosthom, l-Aqwa Film, l-Aqwa Direttur, l-Aqwa Attur għal Cillian Murphy.
Robert Downey Jr ukoll rebaħ l-ewwel Oscar tiegħu għall-karattru li interpreta fi rwol sekondarju fil-film ‘Oppenheimer’, fejn hu b’mod sarkastiku rringrazzja lit-tfulija tiegħu li ma kienitx waħda pjaċevoli. Il-film ‘Oppenheimer’ kellu 13 il-nominazzjoni biex b’hekk rebaħ iktar minn nofs in-nominazzjonijiet u b’hekk ma kisirx ir-rekord tal-iktar films li qatt rebħu unuri, hekk kif dawn huma Titanic, Lord of the Rings: The Return of the King u Ben Hur bi 11-il unur kull wieħed.
Il-film ‘Barbie’ minkejja li kien l-iktar film li s-sena li għadiet għamel suċċess fil-Box-Office rebaħ unur wieħed u dan kien għal Billie Eilish bid-diska ‘What was I made For?’. Waqt is-serata fit-tejatru Dolby hija kantant din il-kanzunetta mill-film ‘Barbie’ u irċiviet standing ovation.
Emma Stone rebħet l-unur tal-aqwa attriċi għall-irwol tagħha fil-film ‘Poor Things’ li fost oħrajn rebaħ ukoll l-aqwa disinn tal-kostumi, kif ukoll l-aqwa make-up u still tax-xagħar.
l-unur tal-aqwa attriċi fi rwol sekondarju ingħata lil Da’Vine Joy Randolph għall-parti li nterpretat fil-film ‘The Holdovers’.
Intant qabel bdiet is-serata tal-unuri, kif mistenni kien hemm ukoll ir-red carpet fejn bla dubju ta’ xejn iddominaw ilbiesi mill-aktar eleganti pero mhux biss hekk kif qed issir tradizzjoni li dawk li jattendu jilbsu xi aċċessorji li jagħtu messaġġ politiku. U din is-sena ma kienet xejn inqas, hekk kif rajna lil Billie Eilish u lil ħuha Finneas O’Connel flimkien mal-attur Mark Rufalo u Ramy Youssef li libsu pin bil-messaġġ Ceasefire in Gaza. Oħrajn libsu pin b’żigarella safra fejn urew l-appoġġ tagħhom lil ostaġġi tal-Hamas. Waqt li uħud mill-atturi ta’ ‘Anatomy of a Fall’ libsu pin bil-kuluri tal-bandiera tat-teritorju Palestinjan.
Is-serata kienet ukoll dominata mill-attur Ryan Gosling li minkejja li ma rebaħ l-ebda unur, ta prestazzjoni tal-kanzunetta ‘I am Just Ken’ mill-film Barbie, fejn liebes ilbies roża u kanta din il-kanzunetta flimkien ma’ Mark Ronson u anka Slasher.
Intant matul is-serata tal-Oscars inatgħu tislima uħud mill-istilel ta’ Hollywood li ħalewna matul is-sena 2023 li inkludew lil attur Matthew Perry, Tina Turner kif ukoll lil Mexxej tal-Oppożizzjoni fir-Russja Alexei Navalny.
