Waqt il-programm ta’ Andrew Azzopardi fuq RTK, l-MEP Laburista Cyrus Engerer baqa’ jaħrab milli jikkommetti ruħu li se jkun kandidat għall-elezzjoni Ewropea. U meta pressat mill-preżentatur biex jgħid jekk hux se jikkontesta għall-Parlament Ewropew, Engerer għażel li ma jweġibx.
Hu qal biss li fl-aħħar jiem iltaqa’ mal-Prim Ministru Robert Abela; laqgħa li fiha bla dubju ta’ xejn tqajjmet il-kwistjoni ‘Joseph Muscat’ minħabba l-fatt li Engerer ġej minn dik il-klikka li issa ħaduha kontra l-eks Mexxej tagħhom – l-istess bħal Randolph De Battista.
Waqt l-istess programm, il-Professur Kevin Cassar stqarr illi mhux ta’ b’xejn li Engerer qed iħossu skomdu jikkontesta mal-Partit Laburista.
