Nirien kbar li ħakmu l-Istudjo Al-Ahram fid-distrett ta’ Giza fil-Kajr ħarqu kollox filwaqt li nfirxu fi tliet binjiet tal-madwar. Ġurnali lokali rraportaw li r-residenti tal-bini ġirien ġew evakwati qabel ma laħqu nħakmu minn nirien, kmieni is-Sibt.
Nirien fatali huma ta’ periklu komuni fl-Eġittu, fejn il-kodiċijiet tan-nar rarament jiġu infurzati u s-servizzi ta’ emerġenza spiss idumu biex jaslu.
F’dan il-każ, sorsi tas-sigurtà qalu li ma kien hemm l-ebda imwiet, għalkemm 14-il persuna weġġgħet u ttieħdet l-isptar filwaqt li xi nies ġew trattati fil-post kawża tad-duħħan li belgħu.
Il-midja lokali rrapportat li n-nirien ħakmu l-bini 24 siegħa wara li spiċċa l-iffilmjar għal serje televiżiva tar-Ramadan. Il-kawża tan-nar għadha mhix magħrufa, u l-pumpiera kellhom bżonn aktar minn sitt sigħat biex jitfuh.
