Floriana Ajax Premier Cars żammew l-ewwel post tal-klassifika tal-kampjonat tal-Ewwel Diviżjoni tad-darts meta rebħu l-konfront dirett kontra Ħamrun Bayern A 5-3.
Kienet logħba missielta, bil-Greens ikunu fil-vantaġġ għall-maġġoranza tal-partita, bil-Ħamruniżi jagħmluha diffiċli sal-aħħar mumenti għall-Ajax biex jaċċertaw mir-rebħa
Sadanittant, Żejtun Laċċi A jinsabu biss tliet punti bogħod mill-quċċata wara li kisbu rebħa faċli ta’ 7-1 kontra Ħamrun Bayern B. Kienet logħba ddominata kompletament miż-Żwieten li kienu dejjem preċiżi fit-tefgħat tagħhom.
Birżebbuġa Lions baqgħu fir-raba’ post tal-klassifika wara rebħa tajba ta’ 6-2 kontra Floriana Ajax MCP filwaqt li Sliema Lounge A ddominaw il-logħba kontra PO’s Bar Gudja bl-iskor finali jkun 7-1.
Fit-tieni diviżjoni, l-ewwel tliet timijiet fil-klassifika kisbu t-tlett punti l-aktar importanti. Birgu Boċċi Club A għelbu lil Żebbuġ Rangers Darts Team 7-1 filwaqt li t-tim fit-tieni post Duke’s Bar għelbu lil Beland Żejtun 5-3.
Fl-istess ħin, Domus Men irreġistraw rebħa ta’ 6-2 kontra Cox Bar b’Top Gun Marsa.
Fit-tielet diviżjoni, kollox baqa’ l-istess meta Żejtun Laċċi Maypole rebħu faċilment bl-iskor ta’ 8-0 kontra Domus Ladies filwaqt li Leah’s Bar għelbu 7-1 lil Nicolo Isouard.
Birgu Boċċi Club B għelbu lil Mqabba Tal-Ġilju 6-2 b’Tal-Balklor Senglea u Munchies li offrew konfront bilanċjat wara draw ta’ 4-4.
