Luxol taw l-ewwel telfa tal-istaġun fl-Enemed Elite Round lil University of Malta ACJ Group hekk kif iddominawhom u rebħulhom 9-1. Kienet wirja kollettiva mit-tim minn St Andrew’s li ġab fix-xejn lill-Universitarji li ftit setgħu jagħmlu kontra l-qawwa tal-avversarji tagħhom.
Emil Raducu u Everton da Silva Santos skorjaw doppjetta kull wieħed filwaqt li Marwan Telisi, Matthew Attard, Luke Gatt, Andy Mangion u Andre Ciancio żiedu l-iskor għal Luxol.
Steven Camilleri skorja l-uniku gowl għal University of Malta ACJ Group.
Ir-Referees tal-partita kienu Stephen Vella u Jude Amin Utulu.
Intant, Swieqi United irritornaw jirbħumeta għelbu lil ŻRQ Bormla 4-3.
Kienet logħba missielta bil-Bormliżi li sa tmiem l-ewwel taqsima kienu qed jirbħu 2-0 iżda Swieqi ħarġu tajjeb fit-tieni taqsima u wara li ġab l-iskor indaqs, irnexxielu jdawar l-iskor favurih.
Il-plejer Arġentin Marcelo Ezequiel Alarcon kien l-eroj għal Swieqi meta skorja tripletta bi Brayan Stiven Rivera ukoll iniżżel ismu mal-iskorers
ŻRQ Bormla kellhom lil Italo dos Santos li kien awtur ta’ doppjetta filwaqt li Karl Sciortino niżżel ismu fost l-iskorers bit-tielet gowl.
Ir-Referees għal partita kienu Danilo Francalanza u Marco La Rosa.
Fl-Enemed Challenger League kompliet it-taqtiegħa għar-rebħ tat-titlu bejn Marsaskala Futsal u Ta’ Xbiex Futsal biż-żewġ timijiet li ħarġu rebbieħa fil-konfronti rispettivi tagħhom.
Ta’ Xbiex rebħu lil Gżira United Santa Margherita 6-2 sabiex żammew l-ewwel post tal-klassifika.
Stefi Cale u Juan Bautista skorjaw doppjetta kull wieħed b’Redeemer Borg u awtogowl li żiedu tnejn oħra għal Ta’ Xbiex.
Gżira United skorjaw żewġ gowls ta’ konsolazzjoni permezz ta’ Yessous Camilleri u Andrea Camilleri.
Għal din il-partita Andrea Naudi u Pierre Bonnici kienu r-referees.
Marsaskala kienu tajbin biżżejjed biex għelbu lil Sliema Futsal 8-4.
L-Iskalin kienu diġa’ 2-1 minn fuq sa tmiem l-ewwel taqsima u amministraw il-logħba filwaqt li skorjaw sitt gowls oħra għalkemm l-avversarji tagħhom baqgħu jnaqqsu l-marġni tal-iskor.
L-iskorer prolifiku Amir Ashtiyani skorja hat-trick filwaqt li Craig Pickard kien awtur ta’ doppjetta. Ayoub Ahmad, Dylan Caruana u Bertram Azzopardi sabu x-xibka u żiedu l-iskor għall-Iskalin.
Is-Slimiżi kellhom lil Wallace Oliveira jiskorja doppjetta b’Hugo Vinicius u James Brincat iżidu iktar gowls għat-tim tagħhom.
Danilo Francalanza u Andrea Naudi amministraw il-partita
