‘Il-logħbiet li fadal huma kollha qishom finali’ – Mauro Camoranesi (Floriana)

‘Il-logħbiet li fadal huma kollha qishom finali’

• Mauro Camoranesi, kowċ Floriana FC

‘Ninsab kuntent ħafna peress li llum kien test importanti kontra tim b’saħħtu bħalma huma Sliema Wanderers.’ Hekk ikkummenta l-kowċ ta’ Floriana Mauro Camoranesi wara r-rebħa li t-tim tiegħu kiseb kontra Sliema Wanderers biex ħa l-kmand tal-klassifika. Il-kowċ Taljan kompla hekk. ‘ Jekk tanalizza l-aspett fiżiku, l-atteġġament u l-għatx għar-rebħa kien jimmeritana li niksbu t-tlett punti.  Kif dejjem għedt issa l-logħbiet huma kollha finali fejn ninsabu f’sitwazzjoni fejn il-klassifika dejjem tikkomplika ruħha minn ġimgħa għall-oħra. Imma l-importanti li qed inżommu r-ritmu u nirbħu l-logħbiet tagħna.’

‘Żbaljajna ħafna fl-aħħar pass’

• Luciano Zauri, kowċ Ħamrun Spartans FC

‘Kienet partita li ddominajna iżda dak huwa l-futbol’. Kliem il-kowċ ta’ Ħamrun Spartans Luciano Zauri wara t-telfa li sofrew l-Ispartans kontra Marsaxlokk. Huwa kompla jżid. ‘Żbaljajna ħafna fl-aħħar pass tagħna u ġejna kastigati. Huma kienu bravi li tellgħu żewġ kontra attakki u sabu x-xibka. Huwa normali fil-futbol li meta titlef ħafna ċansijiet ta’ skor titlef il-partita u hekk ġara lilna. Ma’ konniex bravi bħalma nkunu s-soltu. Issa ma’ jiddependix aktar minnha peress li ninsabu fit-tieni post tal-klassifika.’