Il-Pulizija qed tfittex żewġ persuni wara li seħħet serqa minn uffiċċju f’Ħal Għargħur.
Is-serqa seħħet il-Ġimgħa filgħodu għall-ħabta tal-10:15 fi Triq Stiefnu Zerafa.
Il-Pulizija marret fil-post u minn investigazzjoni li saret irriżulta li żewġ persuni li kienu lebsin crash helmet u li kienu armati b’arma tan-nar, daħlu fl-uffiċċju, serqu ammont ta’ flus kontanti u ħarbu mill-post.
Ħadd ma weġġa’, bil-Pulizija għaddejja bit-tfittxija għall-allegat ħallelin.
Il-Maġistrat tal-Għassa Joseph Mifsud ġie infurmat bil-każ u ħatar inkjesta.
L-investigazzjonijiet tal-Pulizija għadhom għaddejjin.
