Il-qawwiet tar-Russja, fl-aħħar sigħat, wettqu l-bumbardamenti ġodda fuq il-kapitali tal-Ukrajna u fejn bini ta’ tlett sulari ġarrbet il-ħsarat sostanzjali. Ir-rrapporti minn Kiev qalu li ndarbu numru ta’ nies mid-debris tal-bini – bl-attakk iseħħ mingħajr ma nstama’ allert dwar rejd tal-ajru li mhix ħaġa tas-soltu waqt il-gwerra.
L-Ukreni interċettaw uħud mill-missili ballistiċi sparati lejn Kiev iżda nstemgħu xorta sensiela ta’ splużjonijiet madwar il-kapitali Ukrena – b’diversi dħaħen ibewwġu mill-inħawi lejn il-lvant tal-kapitali.
Il-fatt li l-attakk seħħ mingħajr twissijiet ‘skont il-proċeduri’ qed iħasseb lill-awtoritajiet fi Kiev. Fil-fatt – u sekondi qabel l-isplużjonijiet fi Kiev – l-unika twissija kienet waslet lir-residenti permezz ta’ messaġġ li l-qawwiet tal-ajru Ukreni kienu bagħtu fqu Telegram…Messaġġ li qalu li ‘il-missili kienu qed itiru lejn il-belt’.
Sadanittant, il-Ministru Ukren għall-Affarijiet Barranin, Dmytro Kuleba, qed jiċċirkula filmati online li juru lit-tfal tal-iskola qegħdin jiġru lejn xelter fost l-isplużjonijiert fil-kapitali. Dan meta jidher li r-Russi anki sparaw i l-missili ballistiċi lejn Kiev mill-penisola tal-Krimea li ilha taħt il-kontroll tal-Kremlin mill-2014.
