It-tim tal-Malta Weightlifting Federation irreġistra suċċess fil-Kampjonati Ewropej tan-Nazzjonijiet Żgħar li saru f’Monaco, b’Tenishia Thornton tkun l-atleta li tispikka l-iżjed.
Tenishia Thornton kisbet it-titlu tal-aqwa lifter mara kemm fil-kategorija tal-Juniors kif ukoll f’tal-kbar, u kisbet erba’ rekords nazzjonali fil-kategorija tal-64kg.
Thornton kellha kompetizzjoni formidabbli li terfgħet is-6 lifts kollha tagħha, 85kg, 87kg u 89kg fi Snatch u 104kg, 107kg, 110kg fil-Clean & Jerk għal total ta’ 199kg.
Tenishia rebħet ukoll id-Doubles tan-nisa flimkien ma’ Roberta Tabone, li kienet kruċjali għas-suċċess Malti. Tabone refgħet 87kg fl-Isnatch u 104kg fil-Clean & Jerk għal total ta’ 191kg. Xhieda tal-preparazzjoni li ż-żewġ atleti qed jagħmlu għat-Tazza tad-Dinja tal-IWF li se ssir fit-Tajlandja.
Rylee Borg ta’ 17-il sena, li rebaħ l-aqwa atleta Junior Male b’110kg fil-Snatch u 143kg fil-Clean & Jerk, b’total ta’ 253kg.
Nathan Mifsud spiċċa wkoll fuq il-podju tal-Juniors U/20 bir-rebħ tal-midalja tal-bronż fl-età ta’ 14-il sena, b’total ta’ 152kg b’piż tal-ġisem ta’ 51kg biss, fejn kiser rekords nazzjonali fil-kategorija U/15. Mifsud spiċċa wkoll fl-ewwel post ma’ Kim Camilleri Lagana fil-kategorija Junior U20. Kim Camilleri Lagana kisbet il-midalja tal-fidda fil-kategorija tal-Juniors U/20 b’59kg fl-Isnatch u 79kg f’Clean & Jerk b’total ta’ 138kg. It-tim tad-Doubles irġiel kiseb il-midalja tal-bronż bit-tim ikun kompost minn Rylee Borg u Anton Micallef li wkoll kellhom prestazzjoni ferm kredibbli. Huwa spiċċa l-kompetizzjoni b’117kg fl-Isnatch u 138kg fil-Clean & Jerk, b’total ta’ 255kg.
Fil-kategorija Mixed Seniors, Thornton, Tabone, Borg u Micallef rebħu l-midalja tal-fidda fost tmien pajjiżi fosthom Ċipru, Ġibiltà, l-Iżlanda, Monaco, il-Lussemburgu, il-Gżejjer Faroe u San Marino. Din il-kategorija ntrebħet mill-Iżlanda.
