Neil Camenzuli
MARSAXLOKK ……………………………….0
FLORIANA ………………………………………2
Marsaxlokk: M.Drobnajk, W.Soares (K.Dimech 77″), K.Micallef (J.Walker 77′), N.Muscat (S,Boakye 84′), J.Ghio (A.Obonogwu 63′), Y.Messias, A.Leandro, N.Raiden, R.Scicluna, S.Akinbule, F.Gomes
Floriana: G.Kitanov, O.El Hasni, J.Grech (L.De Garzia 87′), U.Arias (K.Nwoko 76′), M.Nogureira (D.Vella 76′), O.Spiteri, M.Garcia, M.Valdzko (C.Zammit 81′), A.Kouro, A.Garzia, W.Furtado (K.Nwoko 87′)
Imwissija: K.Micallef 12’, F.Gomes 37′, M.Drobnajk 87′ (M) M.Garcia 59’, J.Ulises73′ (F)
Skorjaw: L.Furtado 49’, 85′ (F)
Referee: Philip Farrugia
Assistenti Referees: Duncan Sultana u Mark Ciantar
Il-Mument Plejer tal-logħba: Willis Luis Furtado (Floriana)
Fit-Tony Bezzina Stadium, Floriana għaddew għas-semi finali meta għelbu lil Marsaxlokk 2-0, biż-żewġ gowls jaslu fit-tieni taqsima minn Willis Luis Furtado.
Floriana ħarġu fuq l-offensiva bl-ewwel azzjoni tal-partita tiġi ftit qabel kwarta logħob meta minn pass preċiż minn nofs il-grawn, Nogureira jdur tajjeb u jipprova jsib ir-rokna ta’ fuq tal-lemin, bil-ballun jgħaddi vera ftit barra.
Fil-31 minuta, Jake Grech inkariga ruħu minn korner mil-lemin, bil-midfielder kross fin-nofs u bl-għajnuna tar-riħ jimpenja lil Drobnajk, bil-goalkeeper jitfa’ barra għall-korner ieħor.
Żewġ minuti wara l-Furjaniżi reġgħu perikolużi din id-darba minn pass mil-lemin lejn Nogureira, bil-Brażiljan ma jirnexxielux jikkonkludi fix-xibka hekk kif Drobnajk jinterċeta tajjeb.
Fl-aħħar sekondi tal-ewwel taqsima waslet azzjoni oħra għal Greens, din id-darba kien Furtado li ra l-konklużjoni tiegħu tgħaddi barra li waslet minn freekick mill-viċin minn naħa tal-lemin, biż-żewġ timijiet jidħlu jistrieħu fi draw ta’ bla gowls.
Fit-tieni taqsima Marsaxlokk ħarġu jattakkaw, bl-ewwel tentattiv jasal wara minuta logħob minn xutt akrobatiku minn barra l-kaxxa ta’ Messias, bil-konklużjoni tgħaddi għolja wara.
Madankollu żewġ minuti wara l-Furjaniżi rrispondew, kontrattakk veloċi tal-laterali Willis Luis Furtado li mil-lemin qabez lil Aguirre u daħal b’ġirja fil-kaxxa u kkonkluda fil-baxx għall-ewwel gowl tal-partita. Furtado kompla l-istaġun impekkabli, hekk kif wara li ngħaqad mal-Greens f’ Jannar huwa skorja s-7 gowl tiegħu ma’ Floriana fi 12-il logħba.
Fis-86 minuta, l-attakkant laterali Willis Luis Furtado kompla jkabbar il-problemi għal Marsaxlokk meta mil-lemin daħal b’ġirja fil-kaxxa u twaqqa biex rebaħ penalty għat-tim tiegħu. L-istess Willis Luis Furtado nkariga ruħu mill-penalty, bil-Franċiż jikkonkludi fil-baxx u Drobnajk isalva, madankollu l-attakkant kien pront li jerġa jixxutja l-ballun b’din id-darba jixħet fix-xibka.
Il-Furjaniżi kkonkludew il-partita b’numru ta’ sostituzzjonijiet u logħob f’nofs il-grawnd, bil-Greens jikkonfermaw posthom fis-semi finali.
