West Ham u Tottenham temmew fi draw diżappuntanti ta’ 1-1. Kienu Tottenham li marru fil-vantaġġ wara biss ħames minuti permezz ta’ Brennan Johnson qabel ma’ Kurt Zouma ġab l-iskor indaqs għall-Hammers fid-19-il minuta. Iż-żewġ timijiet ikollhom ċansijiet minimi ta’ skor hekk kif il-partita baqgħet fi draw ta’ 1-1 sat-tmiem.
Nottingham Forest kisbu rebħa importanti fit-tamiet tagħhom li jikkonfermaw posthom fl-ogħla diviżjoni għal staġun ieħor meta għelbu lil Fulham 3-1. Callum Hudson-Odoi fetaħ l-iskor wara biss disa’ minuti bi Chris Wood jirdoppja fid-19-il minuta. Forest komplew ikabbru l-iskor u qabel il-mistrieħ kien Morgan Gibbs-White li għamilhom 3-0. Fit-tieni taqsima, Fulham pruvaw jidħlu fil-partita u naqqsu l-iskor fid-49 minuta permezz ta’ Tosin Adarabioyo.
Punt importanti għal Everton f’St. James’ Park hekk kif temmew fi draw ta’ 1-1 kontra Newcastle United. Alexander Isak poġġa lil Newcastle fil-vantaġġ wara kwarta logħob biex b’hekk skorja l-15-il gowl tiegħu fil-Premier League dan l-istaġun. Dan Burn kellu l-gowl tiegħu mħassar bil-VAR fit-58 minuta qabel ma’ Dominic Calvert-Lewin ġab l-iskor indaqs permezz ta’ penalty fit-88 minuta.
Gowl uniku għaxar minuti mit-tmiem kien biżżejjed biex Bournemouth kisbu rebħa minima ta’ 1-0 fuq Crystal Palace. It-tim minn Londra ħaseb li fetaħ il-vantaġġ qabel il-mistrieħ, bil-gowl ta’ Eberechi Eze jkun imħassar permezz tal-VAR. Il-gowl deċiżiv wasal fit-80 minuta u kien skorjat minn Justin Kluivert.
Burnley u Wolves f’Turf Moor, temmew fi draw ta’ 1-1, biż-żewġ gowls ikunu skorjati fl-ewwel taqsima. L-ewwel kienu Burnley li marru fil-vantaġġ permezz ta’ Jacob Bruun Larsen fis-37 minuta qabel ma’ Rayan Ait-Nouri ġab l-iskor indaqs ftit sekondi qabel tmiem l-ewwel taqsima.
