Mill-inqas seba’ voluntiera ġew maqtula f’Gaza waqt attakk mill-ajru li qed jingħadd seħħ minn Iżrael.
Fost dawk li mietu hemm Awstraljan, Ingliż, Pollakk u Palestinjan. L-identità tagħhom ġiet konfermata wara li nstabu fuqhom passaporti.
Il-grupp kien qed jikkoordina sabiex jiddaħħal ammont ta’ ikel minn fuq dgħajsa lejn iċ-ċentru ta’ Gaza.
Sors mill-isptar al-Aqsa qal li l-voluntiera ttieħdu għall-kura wara li kienu qed isuqu karozza mimlija b’għajnuna umanitarja meta l-attakk mill-ajru laqathom meta kienu waslu f’Deir al-Balah. Sfortunatament, l-għajnuna kienet kollha għalxejn hekk kif il-persuni kollha tilfu ħajjithom f’dan l-attakk.
