Neil Camenzuli
MARSAXLOKK ……………………………………1
GŻIRA UNITED ……………………………………1
Marsaxlokk: M.Calleja Cremona, W.Soares, K.Micallef, N.Muscat (R.Scicluna 82’), J.Ghio, Y.Messias, D.Bonnici (B. Fabricio 88’), S.Boakye (A.Obonogwu 46’) , L.Aguirre, N.Raden, S.Akinbule
Gżira United : D.Zarkov, C.Conceicao, G.Bohrer, A.Thaylor, M.Dias, L.Ribeiro, L.Macula, F.Romero, B.Borg (K.Spence 65’) , T.Espindola (Z.Cassar 63’), J.Mendoza (C.Riascos 80’)
Imwissija: J.Ghio 32’, A.Obonogwu 82’, D.Bonnici 87’, K.Micallef 90′(M), Z.Scerri 72’, T.Aldama 90′ (G)
Skorjaw: G.Bohrer 35’ (G) Y.Messias 58’ (M)
Referee: Ishmael Barbara
Assistenti Referees: Roberto Vella u Duncan Spencer
BOV Plejer tal-Logħba: Aldama Thaylor (Gżira United)
Il-Mument Plejer tal-logħba: Yuri Messias (Marsaxlokk)
F’partita nieqsa mill-azzjonijiet, draw ta’ 1-1 bil-gowls kollha jaslu minn penalties bejn Marsaxlokk u Gżira United. Punt tajjeb għal Gżira United li jkomplu jitbiegħdu miż-żona l-ħamra, filwaqt li Marsaxlokk fallew milli jirbħu u issa jinsabu fir-raba’ post b’34 punt wara 22 partita, żewġ punti biss fuq Birkirkara li jilagħbu għada kontra Ħamrun Spartans.
Gżira United ħasbu li fetħu l-iskor wara 23 minuta permezz ta’ daqqa ta’ ras Aldama Thaylor mill-viċin, madankollu l-gowl kien imħassar hekk kif il-plejer Spanjol kien f’pożizzjoni rregolari.
Fis-26 minuta Leandro Aguirre ttanta xortih minn freekick mil-lemin, bil-konklużjoni tgħaddi għoli wisq.
Ftit wara n-nofsiegħa logħob Gżira United rebħu penalty meta Jake Ghio kkommetta foul fil-kaxxa. Id-difensur ċentrali Gabriel Bohrer inkariga ruħu mill-penalty u xeħet fir-rokna t’isfel tal-lemin biex għeleb għal kollox lil Calleja Cremona.
Marsaxlokk irrispondew fil-41 minuta b’xutt tajjeb ta’ Messias minn barra l-kaxxa li ġie devjat f’korner mill-goalkeeper Zarkov.
L-ewwel taqsima spiċċat 1-0 għal Gżira United.
Fis-57 minuta Messias ittanta xortih għal darb oħra minn freekick mill-bogħod, b’ Zarkov isalva tajjeb fil-baxx.
Minuta wara Marsaxlokk għamlu l-iskor indaqs permezz ta’ penalty ieħor, din id-darba Yuri Messias twaqqa fil-kaxxa. L-istess Messias inkariga ruħu mill-penalty u sab ix-xibka b’konklużjoni ċentrali.
Fit-72 minuta ċans tad-deheb għal Gżira biex imorru fil-vantaġġ, kontrattakk veloċi ta’ Macula mil-lemin, bil-Brażiljan jitfa’ kross għas-sostitut Spence li minn quddiem il-goalkeeper Cremona ma jirnexxielux isib ix-xibka.
