L-ewwel leg tal-kwartifinali tal-UEFA Champions League kienet mimlija azzjoni u stejjer hekk kif fis-Santiago Bernabeu, Real Madrid irnexxielhom idawru telfa fi draw wara li sofrew gowl kmieni ta’ Bernardo Silva minn freekick mill-isbaħ wara biss żewġ minuti logħob. L-iskor finali kien ta’ 3-3.
Għaxar minuti wara Los Blancos ġabu d-draw permezz ta’ gowl devjat minn Ruben Dias mix-xutt minn barra l-kaxxa tal-midfielder Eduardo Camavinga, li skorja l-ewwel gowl personali f’sena.
Żewġ minuti wara, Real Madrid marru fil-vantaġġ b’kontrattakk klassiku ta’ Vinicius Junior u Rodrygo, b’dan tal-aħħar jikkonkludi fix-xibka, għal darb’oħra i-xutt ikun devjat din id-darba minn Akanji u, jispiċċa fix-xibka.,
Fit-68 minuta Phil Foden għamel l-iskor indaqs permezz ta’ gowl mill-isbaħ minn barra l-kaxxa li spiċċat eżatt fir-rokna ta’ fuq tal-lemin.
Tliet minuti wara, il-partita kompliet toffri mumenti eċċitanti meta Manchester City marru fil-vantaġġ għat-tieni darba fil-partita b’gowl minn barra l-kaxxa tad-difensur Josko Gvardiol.
Kien hemm aktar kontroversja hekk kif fit-80 minuta l-midfielder Federico Valverde skorja gowl akrobatiku mill-assist ta’ Vinicius Junior, biex għamel l-iskor finali 3-3, u b’ kollox għadu miftuħ fit-tieni leg.
Intant, fl-Emirates Stadium Arsenal ġew miżmuma minn Bayern Munich 2-2 wara li ħadu l-vantaġġ l-ewwel permezz tal-istilla Bukayo Saka wara 12-il minuta. Draw ieħor mill-ewwel żewġ partiti li jħalli liż-żewġ timijiet jittamaw li jistgħu jegħlbu lill-avversarju fit-tieni Leg biex jikkwalifikaw għas-semifinali.
Bayern wettqu reazzjoni fit-18-il minuta meta għamlu l-iskor indaqs permezz tal-eks tal-partita Serge Gnabry, bl-attakkant laterali jegħleb lil Raya mis-suġġeriment ta’ Goretzka.
Fit-32 minuta, l-attakkant internazzjonali Ingliż Harry Kane, ta l-vantaġġ lil Bayern meta sab ix-xibka b’konklużjoni kalma minn penalty.
Fit-tieni taqsima, il-Gunners ħarġu fuq l-offensiva u sab ix-xibka għall-gowl tant importanti li għamel l-iskor indaqs fit-78 minuta permezz ta’ Leandro Trossard.
UEFA CHAMPIONS LEAGUE: KWARTIFINALI
Real Madrid 3-3 Man.City
Arsenal 2-2 Bayern M.
L-Erbgħa
A.Madrid v B.Dortmund
PSG v Barcelona
