Raġel ta’ 29 sena residenti Birżebbuġa, weġġa’ gravi wara li waqa’ minn xi għoli fil-Floriana.
L-inċident seħħ ilbieraħ, għall-ħabta tal-5pm, fi Pjazza Sir Luigi Preziosi.
Il-Pulizija marret mill-ewwel fuq il-post u minn investigazzjonijiet preliminari rriżulta li waqt li r-raġel kien qiegħed fuq bejt ta’ residenza, ċedew xi xorok, b’konsegwenza li waqa’ minn xi għoli.
Fuq il-post issejħu membri mid-Dipartiment tal-Protezzjoni Ċivili u tim mediku sabiex jassistu.
Ir-raġel ittieħed b’ambulanza l-Isptar Mater Dei fejn ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.
