Neil Camenzuli
FLORIANA………………………. 4
MOSTA……………………………. 0
Floriana: G.Kitanov, O.El Hasni, K.Reid, M.Nogureira (J.De Grazia 61’), D.Vella, O.Spiteri, M.Garcia (J.Grech 61’), C.Lonardelli (A.Garzia 85’), M.Valadzko, A.Kouro, L.Furtado (C.Rovas 76’)
Mosta: U.Akpan, G.Chara, D.Aneni (S.Thomas 24’) L.Tenebe, A.Hovhannisyan (B.Farrugia 78’), D.Britto, N.Agius, J.Scerri, J.Vassallo (S.Cashia 46’), Z.Brincat (C.Nnaji 46’), K.Tullimieri (C.Nwoga 46’)
Imwissija: G.Chara 42’, L.Tenebe 56’ (M)
Tkeċċa: Bradley Farrugia 90’ (M)
Skorjaw: L.Furtado 23’, 37’, O.Spiteri 43’, C.Rovas 90’(F)
Referee: Glenn Tonna
Assistenti Referees: Shaun Calleja u Kurt Saliba
BOV Plejer tal-Logħba: Luis Willis Furtado (Floriana)
Il-Mument Plejer tal-logħba: Luis Willis Furtado (Floriana)
Floriana kisbu rebħa impressjonanti ta’ 4-0 fuq Mosta, bil-Greens ikomolu jitfgħu l-pressjoni fuq Ħamrun Spartans li qed jokkupaw it-tieni post. Intant, għal Mosta dan ir-riżultat m’huwa xejn sabiħ hekk kif jinsabu fil-11-il post, u riskju ta’ relegazzjoni.
Floriana bdew fuq l-offensiva hekk kif wara biss 6 minuti logħob xutt tajjeb minn barra l-kaxxa ta’ Garzia jgħaddi ftit barra, bil-Furjaniżi juru li se jiddominaw il-partitia.
Wara 20 minuta Floriana rebħu penalty meta l-goalkeeper ta’ Mosta Akpan ikkometa foul fuq l-attakant Nogureira. Minuta wara l-istilla tat-tim Luis Willis Furtado sab ix-xibka għas-7 gowl fil-kampjonat.
Fid-29 minuta l-ewwel azzjoni denja ta’ nota għal Mosta li wasal minn xutt b’saħħtu minn barra l-kaxxa ta’ Hovhannisyan, bil-goalkeeper jevita l-periklu tajjeb.
Kważi kwarta wara li rebħu l-ewwel penalty Floriana rebħu penalty ieħor. Din id-darba Valadzko twaqqa’ fil-kaxxa min Hovhannisyan. L-istess Luis Willis Furtado sab ix-xibka għat-tieni gowl tal-partita.
Fit-42 minuta Floriana komplew il-prestazzjoni mill-aqwa tagħhom meta Owen Spiteri tefa’ ġewwa mill-viċin wara li l-ewwel konklużjoni ta’ El Hasni kienet salvata tajjeb minn Akpan.
Tieni taqsima kwieta għal kollox, bil-partita tieħu l-ħajjar fl-aħħar minuti.
Fit-82 minuta s-sostitut Mattia Veselji kellhu ċ-ċans li jkompli jkabbar l-iskor meta ma sabx ix-xibka minn ftit metri ‘l bogħod minn kross ta’ Reid.
Minuta wara, sostitut ieħor din id-darba Jake Grech ittanta xortih minn barra l-kaxxa , bit-tentattiv jiġi salvat minn Akpan.
Veselji u Grech għal darb’oħra perikolużi ftit sekondi wara meta minn kontrattakk veloċi ta’ Kemar Reid, Veselji pprova jsib ix-xibka minn ftit metri’l bogħod, bil-goalkeeper Akpan isalva tajjeb imma l-ballun jaqa’ f’saqajn Grech, bil-midfielder jitfa’ barra.
Il-Furjaniżi wara ħafna azzjonijiet fl-aħħar sabu x-xibka meta minn azzjoni tajba ta’ Veselji mil-lemin, il-Grieg Christos Rovas ikkapitalizza fuq l-iżball ta’ Chara.
Il-partita kompliet toffri ħafna storja meta fl-aħħar sekondi tal-partita tkeċċa ż-żagħżugħ Bradley Farrugia fl-ewwe partita tiegħu ma’ Mosta wara li kkometta foul ikrah fuq El Hasni.
Il-plejer ta’ Mosta Jake Vassallo bil-pussess tal-ballun (Ritratt: Joseph Galea)
