Raġel ta’ 30 sena residenti l-Fgura, ittieħed l-Isptar Mater Dei għall-ħabta tas-7:30 am wara li weġġa’ f’inċident tat-traffiku, fi Triq Bella Vista, San Ġwann.
Mill-ewwel stħarriġ irriżulta li r-raġel kien qiegħed isuq mutur, tilef il-kontroll u waqa’.
Huwa ngħata l-għajnuna minn tim mediku, ittieħed l-isptar b’ambulanza u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
