Neil Camenzuli
SLIEMA WANDERERS ……………………………….0
NAXXAR LIONS ………………………………………….0
Sliema : R.Al Tumi, J.Borg, V.Plut (N.Strickland 84’), M.Beerman, J.Arthur, D.Kouao, N.Frendo, H.Freire (E.Agius 57’), G.Acheampong, L.Micallef (D.Kondrakov 68’), A.Awad (N.Strickland 84’)
Naxxar: M.Debono, N.Micallef, F.Barbosa. N.Pace, A.Servo, G.Cassar, R.Blandon, E.Espirito, M.De Souza, Y.Ito, V.Mouro
Imwissija: R.Gilmour 86’ (N)
Referee: Andrea Scriha
Assistenti Referees: Luke Portelli u Paul Apap
BOV Plejer tal-Logħba: Geoffrey Acheampong (Sliema)
Il-Mument Plejer tal-logħba: Matthias Debono (Naxxar Lions)
Żewġ riżultati identiċi fit-Tony Bezzina Stadium hekk kif fil-konfront bejn Sliema u Naxxar iż-żewġ timijiet ħadu punt kull wieħed fi draw ta’ bla gowls. B’dan ir-riżultat Naxxar huma kważi sieq ġewwa fil-Kampjonat BOV Premier għall-istaġun li ġej hekk kif issa jinsabu fis-7 post b’32 punt.
Is-Slimiżi ħarġu jattakkaw mal-ewwel 10 minuti meta Lydon Micallef minn tarf il-kaxxa pprova jegħleb lil Debono b’xutt baxx, bil-konklużjoni tiġi devjata mid-difensuri ta’ Naxxar.
L-ebda azzjoni oħra fl-ewwel taqsima, biż-żewġ timijiet iżommu l-pussess u jipprovaw isibu l-opportunità denja li jiskorjaw.
Fil-bidu tat-tieni taqsima, Sliema b’ċans li jiftħu l-iskor meta t-talisman Geoffrey Acheampong jidħol b’ġirja fil-kaxxa u jikkonkludi tajjeb, pero jsib lil Debono li jtajjar barra għall-korner.
Sliema b’ċans ieħor tajjeb wara siegħa logħob li wasal minn korner mogħti mil-lemin jasal għand Debono, bil-goalkeeper ma’ jżommx il-ballun sew u jaqa’ f’saqajn Lydon Micallef li mill-viċin ma jikkonkludiex fix-xibka.
Fit-63 minuta Sliema għal darb’oħra fuq l-attakk, kontrattakk veloċi tad-difensur Jean Borg, bil-ballun eventwalment jasal għand Acheampong li jittanta xortih minn barra l-kaxxa, madankollu Debono jerġgħa jintervjeni.
Fis-87 minuta ċans tajjeb għas-Slimiżi meta Neil Frendo nkariga ruħu minn freekick mill-viċin, il-konklużjoni tkun ċentrali wisq.
