Tifel ta’ 5 snin jinsab fil-periklu li jitlef ħajtu wara li ntlaqat minn vettura fin-Naxxar.
L-inċident seħħ it-Tnejn filgħaxija għall-ħabta tas-6:30pm, fi Triq Leli Falzon.
Mill-ewwel stħarriġ tal-Pulizija rriżulta li t-tifel intlaqat minn Chevrolet Cruze li kienet qed tinstaq minn raġel ta’ 52 sena residenti ż-Żebbuġ, Għawdex.
Huwa ngħata l-għajnuna minn tim mediku u ttieħed l-Isptar Mater Dei b’ambulanza, fejn ġie
ċċertifikat li weġġa’ serjament.
Il-Maġistrat Antoine Agius Bonnici ħatar inkjesta filwaqt li l-investigazzjonijiet tal-Pulizija għadhom għaddejjin.
