It-triatleta ta’ Birkirkara St. Joseph Sports Club, Keith Galea, waqqaf rekord ġdid fuq
il-korsa Olimpika tad-Distanza fis-Salina meta temm id-distanza f’ħin ta’ 2:04.33. Ir-
rekord ġie stabbilit fis-Salina, dan ix-xahar meta l-Club ospita t-tieni tiġrija tal-
Go&Fun Triathlon Series għal din is-sena.
It-tellieqa, li kienet tikkonsisti f’għawma ta’ 1500m, 40km fuq ir-rota, u ġirja ta’ 10km,
rat lil Galea jistabbilixxi l-pass mill-bidu nett. Hu ħareġ mill-ilma b’distakk komdu
quddiem grupp b’saħħtu magħmul minn Roberto Briffa, Martin Beyer, Josef Bonavia,
Christian Anastasi u Julian James Asciak.
Matul it-taqsima tar-rota, id-distakk beda jonqos. Roberto Briffa kompla juri s-saħħa
tiegħu f’din id-dixxiplina, biex għal darb’oħra rreġistra l-aħjar ħin. Sfortunatament,
Josef Bonavia, li kien qed jittama jieħu post fuq il-podju, sofra ħsarat mekkaniċi f’din
it-taqsima li ġiegħluh jabbanduna t-tellieqa. Hekk kif Galea żamm il-vantaġġ b’Briffa
fil-viċin warajh, il-battalja għat-tielet post tal-podju intensifikat. It-tielet post ġie miksub
Christian Anastasi.
Maya Schembri Rodgers ħadet it-tieni podju tagħha tal-istaġun. Hi kienet segwita
minn Deborah Schembri li rreġistrat l-aħjar ħin fuq ir-rota fost it-triatleti nisa u Justine
Scicluna li spiċċat fit-tielet post.
Distanza Sprint
Kai Azzopardi reġa’ ddomina din id-distanza. Hu ħareġ mill-ilma b’distakk komdu fuq
Ben Psaila u Chylen Fava. Waqt it-taqsima tar-roti, Neil Falzon mexa ‘l quddiem fil-
pożizzjonijiet biex spiċċa fit-tieni post. Kompetizzjoni bejn Psaila u Fava rat lil Psaila
jispiċċa fit-tielet post.
Fil-kategorija femminili, il-podju ġie magħmul minn Pia Grech, Lindsey Pirotta, u
Clara Attard. Grech żammet il-vantaġġ tul it-tellieqa, għalkemm iffaċċjat
kompetizzjoni iebsa minn Pirotta, li kiseb l-aktar ġirja mgħaġġla fil-kategorija.
Birkirkara St Joseph Sports Club esprima l-gratitudni tiegħu lejn il-Kunsill Lokali tan-
Naxxar, Transport Malta, il-Pulizija tad-Distrett tan-Naxxar, Go & Fun Energy Drink,
uffiċjali, voluntiera u atleti għall-appoġġ tagħhom.
It-tiġrija ta’ qabel tal-aħħar tal-BSJ Go&Fun Triathlon Series se ssir il-Ħadd 19 ta’
Mejju fis-730am fis-Salina. Ir-reġistrazzjoni hija miftuħa online – https://bsj.mt/events-calendar/
