Franċiża ta’ 32 sena sofriet ġrieħi serji wara li tilfet il-kontroll tal-quadbike li kienet qiegħda ssuq u nqalbet.
L-inċident seħħ għall-ħabta tas-2:30 pm fi Triq is-Sagħtrija, iż-Żebbuġ, Għawdex.
Tim mediku ġie msejjaħ fuq il-post u ttieħdet l-Isptar Ġenerali ta’ Għawdex permezz t’ambulanza. Aktar tard hija ġiet iċċertifikata li qiegħda ssofri minn ġrieħi serji.
Il-Maġistrat Simone Grech ħatret inkjesta filwaqt li l-investigazzjonijiet tal-Pulizija għadhom għaddejjin.
