Bayern u Real jaqsmu erba’ goals u jħallu l-verdett għal Madrid
Bayern Munich u Real Madrid qasmu erba’ goals fl-ewwel leg tas-semifinali tal-UEFA Champions League biex issa l-verdett jinqata’ f’Madrid bħal-lum ġimgħa.
Kienet logħba spettakolari bir-riżultat inċert sal-aħħar.
Bayern bdew tajjeb iżda kienu maħsuda fit-23 minuta meta Kroos ta ballun preċiż lejn Vinicius Junior li quddiem Neuer ma żbaljax.
Bidu qawwi ta’ Bayern fit-tieni taqsima li dawru r-riżultat fi spazju ta’ erba’ minuti. Fit-53 minuta Sane’ kiseb id-draw wara azzjoni personali u erba’ minuti wara Bayern fil-vantaġġ meta Harry Kane skorja minn penalty.
Hawn ħarġet il-klassi u determinazzjoni ta’ Real Madrid li wettqu reazzjoni tajba u kisbu draw meritat seba’ minuti mit-tmiem grazzi għal penalty li kien skorjat minn Vincius Junior li b’hekk kiseb id-doppjetta.
Riżultat
Bayern v Real 2-2
Għada
Dortmund v PSG
