Raġel ta’ 36 sena qed jinżamm taħt arrest wara li qatel tifel adolexxenti b’daqqiet ta’ sikkina f’Hainault, li hi zona residenzjali ta’ East London. Il-każ qajjem tensjoni u paniku kbir, bil-pulizija jwissu lin-nies tal-inħawi biex ‘isakkru l-bibien tad-djar’ waqt li huma kienu qed isegwu lill-aggressur.
Il-każ mhux ikun trattat bħala wieħed terroristiku u meta ħames persuni oħra – fosthom żewġ uffiċjali tal-pulizija – spiċċaw feruti mill-aggressur. Il-midruba ddaħħlu l-isptar iżda mhumiex f’periklu li jitilfu ħajjithom.
Il-Pulizija wieġbu minnufih għal rapport, kmieni fl-għodwa tat-Tlieta, li raġel – f’dan il-każ l-aggressur – kien saq vettura direttament għal ġo dar.
In-nies fl-inħawi, wara,qalu li raw raġel b’xabla kbira ‘huma u jisimgħu t-twerżiq’ – b’filmat li qed jiċċirkula fuq il-media soċjali juri lill-aggressur waqt li qed javviċina lir-residenzi taz-zona. Hemm ukoll il-filmati li juru lill-pulizija waqt li qegħdin jiġru wara r-raġel li prova jaħarbilhom b’li jaqsam mill-btieħi tad-djar.
L-uffiċjali tal-pulizija, imbagħad, kellhom jużaw taser biex irażżnu lir-raġel li baqa’ jirreżistihom u meta ċ-ċirkustanzi tal-attakk għadhom taħt investigazzjoni.
Sadanittant, l-awtoritajiet ikkonfermaw li ma hemmx aktar theddida għall-pubbliku u li l-pulizija mhix tfittex għal aktar suspettati li setgħu kellhom xi sehem fil-każ.
//= $special ?>