Numru ta’ deputati u eks-Ministri Konservattivi qed iwaħħlu fil-Prim Ministru u Kap tat-Tories Rishi Sunak għad-disfatta kbira li l-partit tiegħu sofra fl-elezzjonijiet lokali fir-Renju Unit.
Id-disfatta – fejn il-Konservattivi tilfu kważi 500 siġġu fil-kunsilli lokali – żiedet bil-kbir il-pressjoni fuq Sunak li, b’konsegwenza ta’ dan, jista’ ‘il quddiem jiffaċċja kampanja fost id-deputti tat-Tories biex iqaċċtuh minn Kap tal-partit.
L-akbar umiljazzjoni għat-Tories huma t-telfiet fl-elezzjonijiet għas-Sindku f’Londra u l-West Midlands – reġjun li kien ilu fortizza tal-Konservattivi.
Min-naħa tiegħu, il-Kap tal-Oppożizzjoni Laburista, Sir Keir Starmer sejjaħ biex issir elezzjoni ġenerali bikrija, għalkemm l-osservaturi politiċi qalu wkoll li – minkejja r-riżultati – mhux kollox hu mitluf għall-Konservattivi fil-Gvern.
Għad fadal ftit riżultati x’jidħlu minn madwar il-pajjiż u wara l-konferma li Richard Parker se jkun is-Sindku ġdid f’West Midlands minflok il-Konservattiv Andy Street, Min-naħa tiegħu, Sadiq Khan, aċċerta mit-tielet terminu bħala Sindku ta’ Londra.
Il-Prim Ministru Sunak, intant, esprima d-diżappunt tiegħu dwar ir-riżultati iżda qal li hu għandu xorta waħda d-dmir li javvanza l-politika tal-Gvern biex il-poplu Britanniku jaċċerta minn futur aktar pożittiv. Iżda l-eks Segretarju għall-Intern Suella Braverman, li ilha żmien bit-tikketta ma’ Sunak, waħħlet direttament fil-Prim Ministru għad-disfatta elettorali waqt li insistiet biex hu ‘jammetti l-iżbalji u jibdel id-direzzjoni tal-partit fil-Gvern’.
//= $special ?>