- Andrew Cohen, kowċ Gżira Utd. FC
‘Kienet rebħa importanti għalina għax kienet partita deċiżiva. Ovvjament il-pressjoni kienet waħda kbira’. L-ewwel kliem li lissen il-kowċ ta’ Gżira United, Andrew Cohen, wara r-rebħa li l-Maroons kisbu kontra Floriana. ‘ Il-players reġgħu wrew il-grinta u d-determinazzjoni li dejjem rajt minnhom kemm ili fit-tmexxija ta’ din l-iskwadra. Konna minn fuq u Floriana kisbu l-gowl tad-draw, iżda fit-tieni taqsima konna dominanti u rnexxilna nirbħu l-logħba. L-avversarji tagħna Floriana huma tim iebes ħafna minkejja li serrħu wkoll xi pleyers, iżda l-iskwadra tagħhom tant hija twila li ma tantx tagħmel differenza’, temm jgħid Andrew Cohen.
‘Il-players qamu għall-okkażjoni’
- Joe Grech, kowċ Mosta FC
‘Qabel din il-logħba bżajna xi ftit minħabba l-iskwadra. Mhux għax ma’ nemmnux fiha iżda minħabba li hija waħda żgħażugħa u mingħajr esperjenza.’ Hekk ikkumenta l-kowċ ta’ Mosta Joe Grech wara li t-tim tiegħu għeleb lil Naxxar u salva post fil-Kampjonat Premier. Grech kompla hekk. ‘Il-players tawna risposta fejn qamu għall-okkażjoni u obdew l-istruzzjonijiet kollha. Kienu dixxiplinati fejn taw il-mija fil-mija. Iddominajna l-logħba iżda domna xi ftit biex għalqniha.’
‘Ridna nikkonċentraw fuq il-logħba tagħna biss’
- Oliver Spiteri, kowċ Balzan FC
‘Kellna logħba iebsa kontra Marsaxlokk li huwa tim validu ħafna u li spiċċa fir-raba’ post.’ L-ewwel kumment tal-kowċ ta’ Balzan Oliver Spiteri wara r-rebħa li huma kisbu u li biha staġun ieħor ser jerġgħu jkunu fil-Kampjonat Premier. Spiteri kompla. ‘ L-għan tagħna kien li nikkonċentraw fuq il-logħba tagħna u hj hekk għamilna għax dak kien l-aktar importanti. Kienet logħba sabiħa fejn fit-tieni taqsima minkejja li qatt ma’ konna taħt pressjoni ddefendejna tajjeb biex ksibna dak li ridna.’
| KLASSIFIKA | PUNTI |
| Ħamrun Spartans *** | 62 |
| Floriana ** | 57 |
| Sliema Wanderers | 50 |
| Marsaxlokk | 43 |
| Birkirkara | 36 |
| Hibernians | 35 |
| Naxxar Lions | 35 |
| Balzan | 34 |
| Gżira United | 33 |
| Mosta | 31 |
| Santa Lucia * | 30 |
| Valletta * | 27 |
| Sirens * | 16 |
| Gudja United * | 6 |
*** Champions, *** Europa Conference League, * Relegati
| L-AQWA SKORER | GOWLS |
| Luke Montebello (Ħamrun Spartans) | 21 |
| Kemar Reid (Floriana) | 13 |
| Yuri Messias (Marsaxlokk) | 13 |
| Uros Djuranovic (Ħamrun Spartans) | 11 |
| Andrei Ciolacu (Birkirkara) | 10 |
| Pablo Servo de Carvalho (Naxxar Lions) | 10 |
| Sunday Akinbule (Marsaxlokk) | 9 |
| Jurgen Degabriele (Hibernians) | 8 |
| Willis Furtado (Floriana) | 8 |
| Gabriel Mehtz Bohrer (Gżira United) | 8 |
LOGĦOB LI JMISS
It-Tlieta 7 ta’ Mejju, 2024
Stadium Nazzjonali – S/F Izibet FA Trophy
7.00pm Gżira Utd. vs Floriana
L-Erbgħa 8 Mejju, 2024
Stadium Nazzjonali – S/F Izibet FA Trophy
7.00pm Sliema W. vs B’Kara
Il-Ħadd 12 ta’ Mejju, 2024
Stadium Nazzjonali
4.00pm Finali Izibet FA Trophy
NAZZJON TIM TAL-ĠIMGĦA
Goalkeeper: Danilo Golovic (Balzan)
Difensuri: Gabriel Bohrer Metz (Gżira United), Alcino Gustavo (Sliema W.), Marcelo Dias (Gżira United)
Midfielders: Sean Dimech (Valletta), Steve Pisani (Santa Lucia), Thaylor Aldama (Gżira United), Jonny (Ħamrun S.)
Attakkanti: Zachary Brincat (Mosta), Daniil Kondrakov (Sliema W.), Yuri Messias (M’xlokk)
