“Il-verità toħroġ biss jekk l-istituzzjonijiet jaħdmu mingħajr biża'”
“Il-verità toħroġ biss jekk l-istituzzjonijiet, inkluż il-ġudikatura, jaħdmu mingħajr intimidazzjoni. “
Sostnew dan tal-inqas 200 akkademiku li ffirmaw dikjarazzjoni biex jiddefendu l-indipendenza tal-ġudikatura f’Malta.
Huma saħqu li jinsabu ferm inkwetati bl-aħħar attakki li għaddejjin fuq il-ġudikatura f’pajjiżna, partikolarment intiża fuq il-Maġistrat Gabriella Vella purament għaliex mexxiet Inkjesta Maġisterjali sensittiva li qajmet interess nazzjonali.
Huma sostnew li tali attakki jimmina l-indipendenza tal-istituzzjoni filwaqt li insistew li ġudikatura imparzjali hija essenzjali għal demokrazija f’saħħitha… bil-għan li ssir ġustizzja mingħajr biża’ jew favur.
L-akkademiċi kkundannaw b’saħħa kull attentat biex jiġu imminati l-istituzzjonijiet li qed jissalvagwardjaw ir-rule of law.
Huma saħqu dwar l-importanza tal-kontabbiltà u t-trasparenza… u mhux l-interessi partiġjani.
