Manchester City se jkunu qed jibdew l-aħħar ġurnata tal-Premier league fl-ewwel post tal-klassifika wara li għelbu lil Tottenham 2-0.
City fil-vantaġġ fl-ewwel taqsima permezz ta’ Erling Haaland, bl-istess attakkant Norveġiż jagħmilhom 2-0 fl-aħħar ħinijiet tal-partita permezz ta’ penalty.
B’hekk fl-aħħar ġurnata City se jkunu qed jibdew b’88 punt u jilagħbu kontra West Ham United filwaqt li Arsenal se jkunu qed jibdew b’86 punt u jilagħbu kontra Everton.
