Anzjan ta’ 63 sena jinsab fil-periklu tal-mewt wara li waqa’ waqt li kien tiela’ t-taraġ.
L-inċident seħħ it-Tlieta filgħaxija għall-ħabta tas-7:30 fir-residenza tiegħu, fi Triq il-Gamiem, Kerċem, Għawdex.
Il-Pulizija marret fil-post u minn investigazzjoni li saret irriżulta li l-anzjan waqa’ waqt li kien tiela’ t-taraġ tar-residenza tiegħu, fi Triq il-Gamiem, Kerċem.
Tim mediku assista lill-vittma u ftit tal-ħin wara ttieħed l-Isptar Ġenerali t’Għawdex għall-kura.
Aktar tard huwa ġie ċċertifikat li qed isfori minn ġrieħi serji u li jinsab fil-periklu tal-mewt.
Bil-każ ġiet infurmata l-Maġistrat Simone Grech li ordnat li ssir inkjesta u ħatret diversi esperti sabiex jassistuha.
Il-Pulizija għaddejja bl-investigazzjonijiet fuq il-każ
