Colin Schembri
Hibernians………………45
Depiro…………………….65
(12-16)(13-14)(13-17)(7-18)
Depiro Blue għamlu l-ewwel pass għar-rebħ tal-kampjonat St. James Hospital tat-tfajliet taħt is-sittax –il sena meta għelbu lil Hibernians 65-45. Hibernians eleminaw b’mod sorprendenti lill-favoriti Luxol li kellom staġun bla telfa però fis-semifinali Hibs ħarġu rebbieħa 43-41. Depiro eleminaw lil Starlites b’rebħa ta’ 69-54. Hibs, imħeġġa bl-entużjażmu ta din i-kwalifikazzjoni kellom bidu tajjeb u wara li sofrew l-ewwel basket li wasal minn Claire Portelli għal Depiro, marru 8-5 minn fuq bil-punti ta Zaira Ahar. Depiro kellom trippla minn Ylenia Mangion hekk kif kienu huma li għamlu run ta’ 11-2 fejn Portelli kella żewġ baskets oħra flimkien ma’ Kristie Sammut u Samira Deguara. Hibs wieġbu bl-ewwel basket ta’ Lara Micallef u aktar punti minn Ahar però Depiro għalqu s-sessjoni 4 minn fuq 16-12. Fit-tieni perjodu Hibs reġgħu bdew tajjeb bi break ta’ 7-0 fejn kien hemm trippla ta’ Micallef u basket ta’ Martina Mendez. Depiro kellom risposta qawwija bi break ta’ 12-2 fejn kien hemm trippla u żewġ baskets ta’ Portelli u punti minn Alexia Ciurariu u Deguara biex daħlu jistrieħu 30-25 minn fuq.
Wara l-intervall il-logħob kien aktar maqsum speċjalment fl-ewwel minuti fejn kien hemm tlett baskets fuq kull naħa. Depiro kellom ukoll trippla minn Hannah Casaletto u u basket ta’ Sammut. Hibs naqqsu d-distakk b’punti minn Ahar u Viktoria Dabic però Depiro baqgħu disgħa minn fuq fi tmiem il-perjodu 47-38. L-aħħar taqsima fetħet b’żewġ baskets oħra minn Depiro għalkemm Hibs reġgħu naqqsu d-distakk għal 10 punti. Hawn waslet run oħra deċisiva minn Depiro li bdewha bi trippla ta’ Degura u hekk kif fetħu vantaġġ ta’ 19 –il punt 60-41, huma ma kellomx diffikulta biex jiksbu r-rebħa fuq skor finali ta’ 65-45.
Hibernians: Lara Micallef 19, Irina Ivanova, Martina Gauci, Dezaiya Abela, Jael Cachia, Zaira Ahar 9, Martina Muscat 2, Martina Mendez 4, Serah Cassar, Kaylee Demarco, Viktoria Dabic 9, Zanesh Agius 2.
Depiro Blue: Claire Portelli 24, Kirsty Sammut 10, Giulia Agius, Samira Dteguara 11, Eleanor Spiteri, Maya Borg 4, Sarah Borg, Alexia Ciurariu 3, Hannah Casaletto 8, Janica Tanti, Ylenia Mangion 5.
Referees: Nicky Azzopardi, Miguel De Flavia
