Raġel ta’ 30 sena sofra ġrieħi serji wara li nqabad bejn żewġ trailers f’Raħal Ġdid.
L-inċident seħħ illum, għall-ħabta tas-14:30, fi Triq it-Telgħa ta’ Ras Ħanżir, meta għal xi raġuni l-vittma, raġel ta’ 30 sena minn Bormla, spiċċa maqbud bejn żewġ trailers.
Tim mediku assista lir-raġel u ttieħed l-Isptar Mater Dei permezz t’ambulanza. Aktar tard
huwa kien iċċertifikat li sofra ġrieħi serji.
Il-Maġistrat Philip Galea Farrugia ġie infurmat bil-każ u ħatar inkjesta.
L-investigazzjonijiet tal-Pulizija għadhom għaddejjin.
