Raġel ta’ 30 sena min-Nepal residenti l-Imsida, ġie ċċertifikat li qed isofri ġrieħi gravi wara ħabta bejn il-mutur li kien qed isuq, u karozza.
Mill-ewwel investigazzjonijiet jidher li seħħet ħabta bejn mutur tal-għamla Kymco Agility u karozza tal-għamla Toyota Hi-Ace, misjuqa minn raġel ta’ 50 sena residenti San Ġiljan.
Minnufih isejħu l-Pulizija fil-post u tim mediku flimkien ma’ ambulanza, li ħadu lis-sewwieq tal-mutur l-Isptar Mater Dei għal aktar kura, fejn huwa ġie ċċertifikat li sofra ġrieħi gravi.
L-inċident seħħ għall-ħabta tal-11 ta’ filgħodu, fi Triq Testaferrata l-Gżira.
Il-Pulizija għaddejja bl-investigazzjonijiet fuq il-każ.
