Colin Schembri
Depiro……………………..53
Hibernians……………….44
(18-12)(19-6)(11-20)(5-6)
Depiro huma c-champions tat-tfajliet ta’ taħt is-sittax –il sena meta fit-tieni finali għelbu lil Hibernians 53-44 wara li fl-ewwel finali kienu rebħu 65-45. Depiro għandhom skwadra b’nukleu żagħżugħ b’uħud mill-players saħansitra ħadu sehem ukoll fil-kampjonat ta’ taħt l-14 –il sena bħal Claire Portelli u Samira Deguara. Wara li Hibs għamlu l-ewwel basket tal-partita minn Viktoria Dabic, Depiro kellom seba’ punti mingħajr risposta fostom trippla minn Samira Deguara. Depiro komplew ikabbru l-vantaġġ hekk kif kienet Kristy Sammut li kisbet żewġ baskets wara xulxin però Hibs kellom risposta mill-ġdid permezz ta’ Sera Cassar u Martina Mendez. Depiro għalqu s-sessjoni bi trippla ta’ Sammut għal skor ta’ 18-12. It-tieni taqsima kienet storja differenti hekk kif kien biss fl-ewwel minuti li Hibs żammew il-pass mal-avversarji. Depiro fetħu bi trippla minn Hannah Casaletto qabel ma Hibs wieġbu b’sitt punti mingħajr risposta. Dawn però kienu l-uniċi punti tagħhom f’din is-sessjoni għaliex minn hemm ‘l quddiem kienu biss Depiro li għamlu l-punti. Huma kellom run ta’ 16-0 fejn kien hemm fost l-oħrajn żewġ baskets ta’ Casaletto flimkien ma’ Claire Portelli, Sammut u Deguara biex fil-halftime huma kienu 37-18 minn fuq.
Wara l-intervall, Hibs ħarġu ferm aħjar tant li għamlu 9 punti mingħajr risposta fost diversi turnovers ta’ Depiro tant li Matthew Borg ħtieġlu jsejjaħ time-out kmieni,. Wara tlett minuti wasal l-ewwel basket ta’ Depiro minn Casaletto però r-rimonta tal-Hibs kompliet seba’ punti oħra mingħajr risposta wassluhom sa’ 5 punti ‘l bogħod f’nofs il-perjodu 39-34. Depiro finalment irkupraw bi trippla ta’ Deguara u basket ta’ Portelli għal skor ta’ 44-36 fit-tmien minuta. Deprio kisbu żewġ baskets oħra fuq fast breaks biex temmew it-taqsima 10 minn fuq 48-38 però b’żewġ players b’erba’ fouls. Hibs fetħu l-aħħar taqsima bi trippla ta’ Micallef b’Maya Borg twieġeb għal Depiro. Però l-punti f’din it-taqsima l-punti kienu skarsi ferm hekk kif spikkat it-tensjoni fuq iż-żewġ naħat. Depiro b’hekk setgħu jikkontrollaw il-vantaġġ u jieħdu r-rebħa fuq skor finali ta’ 53-44. Fi tmiem il-partita s-Segretarju Ġenerali tal-MBA Joseph Muscat ippreżenta t-trofew lil captain ta’ Depiro Hannah Casaletto.
Depiro Blue: Claire Portelli 9, Kirsty Sammut 15, Giulia Agius, Samira Deguara 10, Eleanor Spiteri 2, Maya Borg, Sarah Borg, Alex Ciurariu 4, Hannah Casaletto 11, Janica Tanti, Ylenia Mangion 2.
Hibernians: Lara Micallef 14, Irina Ivanova, Martina Gauci, Dezaiya Abela, Jael Cachia, Zaira Ahar 3, Martina Muscat 2, Martina Mendez 9, Sera Cassar 4, Kaylee Demarco, Viktoria Dabic 7, Zanesh Agius 6.
Referees: Gianfranco Russo, Andre Attard, Isaac Xuereb
