Colin Schembri
Luxol………………………………………78
Eurobasket Pembroke…………..59
(20-12)(22-14)(13-14)(23-19)
L-ewwel finali tal-kampjonat tal-irġiel ta’ taħt is-sittax –il sena bejn Luxol u Eurobasket Pembroke marret għand it-team ta’ Luxol b’rebħa ta’ 78-59. Biex waslu sal-finali, Luxol eleminaw lil Depiro fil-waqt li Eurobasket eleminaw lil Starlites. Matul l-istaġun regolari, Luxol kienu diġa għelbu darbtejn lill-avversarji. Ta’ min issemmi l-wirja ta’ żewġ players li spikkaw fuq l-oħrajn fejn għal Luxol kien hemm 38 punt U 38 rebound minn Mark Iloube u għal Eurbasket kine hemm 32 ta’ Chen Junxi. Luxol ma setax ikollom bidu aħjar hekk kif bdew il-partita b’14 –il punt mingħajr risposta b’diversi punti minn Mark Iloube flimkien ma’ Nikolai Sammut. Finalment kien hemm l-ewwel risposta minn Eurobasket bl-ewwel basket ta’ Chen Junxi qabel ma Sammut irrisponda mill-ġdid għal Luxol. Eurobasket komplew b’5 punti mingħajr risposta però Luxol għalqu l-perjodu bil-punti ta’ Iloube u Lubimy għal skor ta’ 20-12. Fit-tieni perjodu kienu Eurobasket li bdew l-aħjar meta għamlu run ta’ 13-2 bi trippla ta’ Niksa Zivkovic biex marru fuq quddiem 23-22. Luxol irkupraw minn dan il-mument diffiċli għaliex ġew lura bi break qawwi ta’ 18-2. Huma kellom diversi punti minn Greg Mizzi, Sammut u Iloube biex daħlu jistrieħu 42-26 minn fuq.
Fit-tielet taqsima l-punti naqsu speċjalment fl-ewwel ħames minutifejn Eurobasket kellom il-free-throws ta’ Curmi u għal Luxol kien hemm basket minn Sammut. Eurobasket kellom żewġ baskets wara xulxin minn Lav Colic bil-coach ta’ Luxol Jean Paul Schembri jitlob time-out fuq skor ta’ 46-34. Luxol wieġbu permezz ta’ Iloube għalkemm Eurobasket ukoll kellom il-punti ta’ Junxi biex Luxol żammew vantaġġ komdu fi tmiem it-taqsima 55-40. Fl-aħħar taqsima kien hemm tentattiv ieħor ta’ reazzjoni minn Eurobasket speċjalment hekk kif bdew b’żewġ trippli wara xulxin minn Junxi. Madankollu run ta’ 11-0 minn Luxol temmet kull tama u l-players ta’ Schembri baqgħu jikkontrollaw sat-tmiem u ħarġu rebbieħa 78-59.
Luxol: Jake Gambin 2, Mark Iloube 38, Kayne Micallef 2. Greg Mizzi 12, Thomas Cummins, Kyle Galea 4, Jack Gabriele, Dominic Lubimy, Youssef Spiteri, Taeke Rietveld, Eric Fenech Pace 2, Nikolai Sammut 16.
Eurobasket Pembroke: Alexander Curmi 4, Marino Ivanovski, Alan Kulumbek, Lav Colic 7, Niksa Zivkovic 8, Junxi Chen 32, Tyson Bright, Andrej Ivanovski 3, Yunzhe Wang, Strahina Milosavljevic 2, Djordje Radivojevic 3, Askar Kolobayev.
Referees: Fiorentina Ciurariu, Daniel Farrugia, Ylenia Bonett.
