Erbgħa mejta u 16-il persuna feruti wara kollass ta’ binja ta’ żewġ sulari f’Majorca, fi Spanja.
L-inċident li seħħ għall-ħabta tat-8:30 ta’ filgħaxija tal-Ħamis li ħalla erbgħa mejta, 16-il persuna feruti u bosta maqbudin taħt it-tifrik fis-sit ta’ beach club u restaurant, fi Triq Cartago f’ Palma de Majorca – hekk kif l-art tal-isabbiliment ċediet għas-sular ta’ isfel. Il-maġġoranza ta’ dawk afffetwati jkunu turisti u barranin.
Sorsi stqarrew li jista’ jkun li gallarija ċediet għas-sular ta’ isfel kaġun ta’ toqol eċċessiv li ma kinitx tiflaħ għalih. Minkejja dan, l-istess sorsi stqarrew li r-raġuni speċifika wara l-kollass għadha mhux magħrufa.
Majorca hija l-akbar fost il-Gżejjer Baleari ta’ Spanja, fil-Mediterran.
