Raġel sofra ġrieħi gravi wara li ntlaqat minn karozza waqt li kien qed isuq rota fi Triq Kav. Vincenzo Bonello, l-Imtarfa għall-ħabta tal-11 ta’ filgħodu.
Ir-raġel ta’ 83 sena residenti Birkirkara, kien qed isuq rota meta għal xi raġuni intlaqat minn karozza tal-għamla Mercedes GLC li kienet qed tinstaq minn raġel ta’ 65 sena li joqgħod Birkirkara.
Fil-post isejjħu tim mediku u ambulanza illi ħadu lis-sewwieq tar-rota l-Isptar Mater Dei għal aktar kura fejn huwa ġie ċċertifikar li sofra minn ġrieħi gravi.
L-investigazzjonijiet tal-Pulizija għadhom għaddejjin.
