Colin Schembri
Caffè Moak Luxol…………..57
Depiro…………………………….46
(18-13)(12-14)(11-9)(18-10)
Ir-rebbieħ tal-kampjonat Mapfre MSV Life tan-nisa se jkun deċiż fil-ħames partita wara rimonta mill-aqwa minn Luxol li wara li tilfu l-ewwel żewġ partiti, rebħu t-tielet u r-raba’ biex issa l-finali tal-Ħadd li ġej se tkun deċisiva għar-rebħ tat-titlu. Il-partita kienetr missielta biż-żewġ timjiet ikollom il-mumenti tagħhom. Però kienet l-aħħar taqsima li xaqilbet il-miżien favur Luxol meta fl-aħħar minuta u 49 sekonda huma għamlu 12 -il punt mingħajr risposta biex ħadu r-rebħa. Il-partita fetħet bl-ewwel basket minn Jose Ann Johnson. Wara li fir-raba’ minuta kien hemm parita ta’ 6-6, Luxol kellom żewġ trippli minn Anna Fenech Pace u Shanice Farrugia biex marru 14-8 minn fuq. Depiro wieġbu bil-punti ta’ Claire Ciantar u Johnson però A. Fenech Pace ħalliet lil Luxol fuq quddiem fi tmiem l-ewwel sessjoni 16-13. Fil-ftuħ tat-tieni perjodu, żewġ baskets minn Julia Xerri poġġew lil Depiro fuq quddiem però hawn Luxol għamlu run ta’ 10-0 b’diversi punti minn Sarah Fenech Pace u Josephine Diaby. Depiro rkupraw bit-three pointers ta’ Kristy Galea u Nicole Agius biex fl-intervall kien hemm punt jifred liż-żewġ timijiet bil-Luxol minn fuq 28-27.
It-tielet taqsima kienet maqsuma bejn iż-żewġ timijiet. Kienu Depiro li bdew l-aħjar meta għamlu seba’ punti mingħajr risposta fosthom trippla minn Galea u baskets ta’ Agius u Sophie Abela. Wara time-out minn Santino Coppa, Luxol kellom risposta agressiva bi break ta’ 11-2 b’żewġ baskets ta’ Bennett flimkien mal-punti ta’ Anna u Sarah Fenech Pace biex temmew il-perjodu 39-36 minn fuq. Fil-bidu tal-aħħar sessjoni Luxol kabbru l-vantaġġ b’basket minn Diaby għalkemm Depiro malajr wieġbu bi break ta’ 8-2 bit-tielet trippla ta’ Galea u marru punt minn fuq 46-45. Dawn però kienu l-aħħar punti tagħhom għaliex trippla ta’ Diaby fetħet run deċisiva minn Luxol fejn fost l-oħrajn kien hemm il-punti ta’ Mandi Mercieca u Benett speċjalment b’sensiela ta’ free-throws biex ħarġu rebbieħa 57-46. B’hekk ic-Champions il-ġodda se jiġu deċiżi fil-ħames finali jekk hux il-ħmistax il-kampjonat ta’ Luxol jew is-sitt wieħed ta’ Depiro.
Caffè Moak Luxol: T. Bennett 6, M. Mercieca 4, L. Fenech Pace 2, N. Vella, E. Abela, M. Camilleri, S. Fenech Pace 12, J. Diaby 13, V. Baldacchino, S. Sciberras, S. Farrugia 5, A. Fenech Pace 15.
Depiro: S. Abela 13, N. Agius 7, J. Xerri 4, J. Mallia, L. Sciberras, N. Agius, C. Ciantar 7, J. Borg, J. A. Johnson 5, M. Micallef, N. Borg, K. Galea 11.
Referees: Gordon Barbara, Ionut Ciurariu, Miguel De Flavia.
