Tard ilbieraħ filgħaxija, għall-ħabta tal-11:30pm, il-Pulizija ġiet infurmata
b’inċident tat-traffiku fi Triq L-Imġarr, f’Għajnsielem.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta
bejn VW Tiguan misjuq minn raġel ta’ 52 sena residenti x-Xewkija, u mutur Suzuki DRZ misjuq
minn raġel ta’ 25 sena u residenti n-Naxxar.
Ix-xufier tal-mutur ingħata l-għajnuna minn tim mediku u ttieħed l-Isptar Ġenerali t’Għawdex
b’ambulanza.
Iktar tard, huwa kien iċċertifikat li sofra ġrieħi gravi.
L-investigazzjonijet tal-Pulizija għadhom għaddejin
