“Il-pajjiż jistħoqlu apoloġija għall-attakk vili tiegħek fuq il-maġistrat Gabriella Vella.”
Dan qalu Andrew Drago, il-President tal-Għaqda Studenti tal-Liġi (GħSL) b’reazzjoni għal dak li seħħ illum, wara li l-MaltaToday ippubblikat il-konklużjonijiet tal-inkjesta maġisterjali.
“Illum Malta tista’ tifhem aħjar għaliex ir-rapport dam erba’ snin biex jiġi konkluż”, qal Drago fil-kummenti tiegħu.
“Ir-rapport fiħ elf mitejn u tmintax-il paġna. Issa kulħadd jista’ jara l-ammont ta’ provi, il-mijjiet ta’ xhieda u esperti li jidħlu f’inkjesta maġisterjali bħal din, u dan filwaqt li l-istess maġistrat kellha ‘l fuq minn disgħin inkjesta u dmirijiet ġudizzjarji oħra. Biex nibdew infiqu, jistħoqilna apoloġija.”
