Sewwieq ta’ mutur sofra ġrieħi ħfief wara li kien involut f’inċident ma’ taxi fi Triq Sant’Anna, fil-Furjana.
L-inċident seħħ ilbieraħ għall-ħabta tal-9:55 am meta seħħet ħabta bejn il-mutur misjuq minn raġel ta’ 26 sena minn Tas-Sliema, u taxi misjuqa minn raġel ta’ 37 sena minn Ħal Qormi.
Fil-post issejħet ambulanza li ħadet lis-sewwieq tal-mutur l-Isptar Mater Dei għall-kura meħtieġa. Iktar tard, hu ġie ċċertifikat bi ġrieħi ħfief.
