Tifla ta’ sentejn tinsab fil-periklu tal-mewt wara li wagħet f’pixxina u belgħet xi ilma.
L-inċident seħħ illum, għall-ħabta tal-15:45 meta għal xi raġuni t-tifla waqgħet f’pixxina residenzjali fi Triq il-Ħofra, Ħaż-Żebbuġ b’konsegwenza li belgħet xi ilma.
Il-Pulizija marret fil-post flimkien ma’ tim mediku li assista lit-tifla. Ftit tal-ħin wara ttieħdet l-Isptar Mater Dei permezz t’ambulanza, fejn kienet iċċertifikata li tinsab f’qagħda serja.
L-investigazzjonijiet tal-Pulizija għadhom għaddejjin.
