Mafkar f’ġieħ it-tabib Mario Rizzo Naudi kien inawgurat matul il-jum tat-Tlieta.
Dan il-bust lit-Tabib Mario Rizzo Naudi huwa rikonoxximent għall-ħidma li wettaq fil-komunità Għaxqija kemm bħala tabib kif ukoll bħala Kunsillier fil-Kunsill Lokali.
Dan il-bust sar mill-artist Giuseppe Delfiore li offra li jagħmel dan il-bust bla ħlas kif ukoll bl-għajnuna ta’ bosta sidien ta’ negozji u familji Għaxqin li kkontribwew finanzjarjament biex illum qed jitwettaq dan il-ġest ta’ rikonoxximent lil dan il-personalità tant maħbub u li tant għamel ġid fil-komunità Għaxqija.
It-tabib Mario Rizzo Naudi kien ta’ ispirazzjoni fid-diversi ħidmiet li hu kien iwettaq b’mod volontarju fil-komunità ta’ Ħal Għaxaq.
